土登龙多丹培仁波切金刚语
香港虹身成就法法会圆满后，土登龙多丹培仁波切面见了多智钦法王，对此次香港弘法的盛况做了汇报，法王听了仁波切的汇报极为欢喜，法王专注地看了香港法会的视频后，对仁波切说今后虹身成就法一定会广弘，能够利益更多有情众生。此后，2019年6月7日清晨，上师仁波切于大圆满状态下心间自然流露出以下金刚语，与各位师兄一起分享如下：
བདག་གི་སྤྱི་གཙུག་འཇའ་འོད་འཁྱིལ་བའི་ཀློང་།
འོག་མིན་ཟང་མདོག་དཔལ་རིའི་ཕོ་བྲང་ནས།
རིག་འཛིན་འདུས་པ་རྒྱ་མཚོའི་ཚོགས་གྲྭཡལ་ནས།
དབུས་སུ་སྐལ་བཟང་སྟོང་གིས་ངོ་བོ་ཉིད།
སྙིགས་མས་རྒུད་པ་སེལ་བའི་དེད་དཔོན་མཆོག།
པད་མ་འབྱུང་གནས་འགྲོ་བའི་མགོན་པོ་ཉིད།
དབུ་ལ་པད་ཞྭ་སྐུ་ལ་ཟ་བེར་གསོལ།
ཕྱག་གཡས་རྡོ་རྗེ་ནམ་མཁར་ཕྱར་བ་དང་།
ཕྱག་གཡོན་ཐོད་པ་ཐོག་ཅིང་ཚེ་བུམ་འཛིན།
ངོ་མཚར་ལྡན་པ་པད་མའི་ཁྲི་སྟེང་དུ།
ཡབ་ཡུམ་མཚོན་བྱེད་ཁ་ཏྲཾ་བསྣམ་པ་ཡིས།
ཞབས་གཉིས་མི་འགྱུར་རྡོ་རྗེ་དཀྱིལ་ཀྲུང་བཞུགས།
གཡས་སུ་ལྷ་ལྕམ་མནྡ་ར་བ་ནི།
ཕྱག་གཡས་ཐོད་པ་བདུད་རྩིའི་བཀང་བ་དང་།
གཡོན་པའི་པདྨ་དཀར་པོ་ཐུགས་ཀར་བསྣམས།
གཡོན་དུ་མཁའ་འགྲོ་ཡེ་ཤེས་མཚོ་རྒྱལ་འཁྱུད།
ཕྱག་གཡས་རྡོ་རྗེ་བསྣམས་ཅིང་གཡས་སུ་འགྱིང།
ཕྱག་གཡོན་ཐོད་པ་འཛིན་ཅིང་འགྲོ་ལ་བརྩེ།
འཁོར་དུ་རྗེ་འབངས་ཉེར་ལྔ་རིག་འཛིན་བརྒྱད།
རྩ་གསུམ་མཁའ་འགྲོ་ཆོས་སྐྱོངས་ཚོགས་དང་བཅས།
མདུན་གྱིས་ནམ་མཁར་སྤྱན་འདྲེན་ས་མ་ཡ།
མོས་པའི་བུ་ལ་བརྩེ་བའི་སྤྱན་གྱི་གཟིགས།
བསྐལ་བའི་ཐོག་མ་སངས་རྒྱས་གྲངས་བྱོན་ཀྱང་།
གདུལ་ཞིང་མ་སྐྱེ་འཁོར་བའི་འདམ་ནས་འཁྱམས།
ད་རེས་མི་ལས་ཐོབ་པའི་སྐལ་བཟང་ལ།
འོད་གསལ་རྫོགས་པ་ཆེན་པོ་ཉམས་སུ་ལོངས།
མི་རྟག་འཇིག་རྟེན་འཁོར་བ་སྤྲིན་བཞིན་དུ།
སྐད་ཅིག་ཙམ་ཡང་རྟག་པར་མ་མཆིས་སོ།
འཁོར་བའི་ཆོས་ལ་སྙིང་བོ་མེད་པར་བསྒོམ།
ནམ་འཆི་ཆ་མེད་མི་རྟག་རྒྱུད་ལ་བསྒོམ་
མི་ལ་ལྟ་བའི་དཀའ་བ་མ་མཛད་ཀྱང་།
པད་བབྱུང་དངོས་མཉམས་བཻ་རོ་ཙ་ན་དང་།
གུ་རུའི་དངོས་སློབ་ནམ་མཁའི་སྙིང་པོ་སོགས།
ཉི་མའི་ཟེར་བྱོན་རྫུ་འཕྲུལ་མ་བསྟན་གྱང་།
ད་ནས་སྐྱེ་དང་ཚེ་རབ་ཕྲེང་བ་ཀུན།
བདག་གིས་ལུས་ངག་ཡིད་གསུམ་དེ་ཉིད་ཀུན།
ཐར་ལམ་སྟོན་པར་མཛད་པའི་བཤེས་གཉེན་པ།
རྩ་བའི་བླ་མའི་སྐུ་གསུང་ཐུགས་ལ་འབུལ།
ཐེག་པ་རིམ་དགུས་ཡང་རྩེ་ཡོ་ག་གསུམ་
དབང་བསྐུར་རྒྱུད་བཤད་མན་ངག་གནང་བ་སོགས།
ཉམས་སུ་ལེན་ཅིང་རྟག་པར་ནན་ཏན་མཛོད།
རྩ་བ་སྐུ་གསུང་ཐུགས་ཀྱི་དམ་ཚིག་བསྲུང་།
ཆོས་གྱི་རྩ་བ་བྱང་ཆུབ་སེམས་མཆོག་ཡིན།
སྙིང་རྗེ་མེད་པའི་འགྲོ་བ་མི་རྣམས་ལ།
དཀར་པོ་ཆོས་ཀྱི་འབྲས་བུ་མི་འབྱུང་ངོ་།
དེ་ཕྱིར་ཆོས་གྱིས་རྩ་བ་སྙིང་རྗེ་ཡིན།
བདག་གི་དགེ་རྩ་ཆེ་ཆུང་གང་སྒྲུབས་ཀྱང་།
ཐེག་ཆེན་ལམ་ནས་ཀུན་སློང་སེམས་བསྐྱེད་གཙོ།
གཅིག་པར་མ་དམིགས་ཕ་མ་རིགས་དྲུག་ཀུན།
མཐར་ཐུགས་རྫོགས་སངས་རྒྱས་པའི་དོན་དུ་སྨོན།
ཐུབ་བསྟན་ལུང་རྟོགས་བསྟན་འཕེལནས།
土登龙多丹培仁波切著
2019年6月7日
