麻油芫茜边个食？你唔食，我唔食！持戒这些事..

麻油芫茜边个食？你唔食，我唔食！

持戒这些事卷三

整包素方便面，落包麻油，好多师兄仍在吃，贪麻油香喷喷，好平常一件事；整碟素肠粉，洒满芝麻同麻酱，够香够滑好味道；再来个素炒饭，放撮芫茜，吃素修行者觉得几香，都已经习以为常。

芝麻麻油同芫茜三件事有点灰色地带，佛教中都有两派意见；一派赞成可以食，一派就反对。咁究竟食唔食得呢？

唔食，就当然最好，比较着数，对自己修行更有保障；总之过香过浓的东西，比如香草一类，少食不食就最划算，身体内气脉轮的震动频率就稳定、杂念就少，有益身心修行。

假使你食芝麻麻油又食芫茜，咁又犯边条戒呀？

如果按事相上的戒条来讲，冇戒犯，冇一条戒唔准人食芝麻麻油同芫茜。

荤，即是有臭味的东西，闻起来好大味；辛，即是有刺激性同辣的食物，食起来令味觉好兴奋。麻油当然不属于荤也不属于辛，咁芫茜呢？

芫茜闻起来有种特别的味，所以又叫做香菜，但炒起来又冇葱同蒜头味道咁厉害咁霸道，芫茜应该唔属于五种辛之一，但以前曾经有法师研究过话芫茜是葱蒜的远房亲戚。咁芫茜是否荤呀？有人食落觉得香，有人从来都唔敢碰，话奇臭，见仁见智，咁你觉得呢？

回归菩萨道修行，《入楞伽经》佛陀讲到压榨芝麻油多虫，菩萨发心出于慈悲护生，所以唔食麻油，好有道理；佛陀在《首楞严经》又讲到五辛一定唔可以食，而且易招饿鬼天魔等闻到辛荤气味就来舔你的口或从口中盗取精气了，这点在修行上都好重要。

芝麻麻油多虫，芫茜同葱寄生虫都唔少，而且都有特别的香味，长食对身心或多或少都存在刺激性；菩萨道修行讲求身心清净的平衡及还原，所以在修行上还是唔食最好最理想。

“现在芝麻冇虫，唔同印度古代刻意令芝麻生虫使榨出来的油更香更肥更滑更甜。”

边个讲话现在芝麻冇虫榨麻油冇虫？

你问人借只天眼睇睇！